M-41 "Bishkek-Dushanbe-Termiz" avtomobil yo‘lida transport yechimi qurish

M-41 "Bishkek-Dushanbe-Termiz" avtomobil yo‘lining 1461,5 km qismida transport yechimi qurish ishchi loyihasi tarkibida Transport yechimi qurilishi belgilangan joy Surxondaryo viloyatining Sariosiyo tumani hududida joylashgan bulib, loyihaviy yo‘lning 1461,5km qismida – chapga Sariosiyo tumani markaziga, o‘ngga Gulat qishlog‘iga olib boruvchi yo‘l kesishmasiga qurilishi belgilangan. Mustaqillik yillarida qo‘shni Tojikiston Respublikasi bilan savdo-sanoat aloqalarining kuchayishi natijasida mazkur yo‘ldagi transport jadalligi sezilarli ortishi natijasida yuqoridagi kesishmada ham transportlarning xavfsiz harakatlanishlarida muammolar ko‘paygan.
“SILK ROAD PROJECT” MCHJ mutaxassislari tomonidan M-41 "Bishkek-Dushanbe-Termiz" avtomobil yo‘lining 1461,5km qismidagi transport yechimi qurish obyekti loyihasini amalga oshirish uchun joyiga chiqib o‘rganib chiqildi. 
Ushbu joydagi kesishma “2 darajali yo‘l bilan kesishma” hisoblanganligi sababli asosiy M 41 avtomobil yo‘lini yuqori sathda, ya’ni yuqoridan yo‘l o‘tkazgich orqali o‘tkazish, yo‘l o‘tkazgich ostida xalqali orolcha va aylanma xarakatli yo‘l qurish orqali har 4 yo‘nalishga qaytib olish imkoniyatini hosil qilish, 2-darajali yo‘ldan asosiy yo‘lga chiqish-kirish uchun tezlanish-sekinlanish tasmalari qurish maqsadga muvofiq deb topildi.